Prej mesnatës deri në orët e para të mëngjesit Rrjeti Kombëtar i Monitorimit Sizmik pranë IGJEUM-it ka regjistruar tre lëkundje sizmike.
Dridhje toke ka pasur në Korçë dhe në Fier. Tërmeti i parë është regjistruar me epiqendër në Miras, Korçë në orën 1:13:15 me magnitudë 2.3 ballë.
I dyti në Fier në orën 3:12:03 me të njëjtën magnitudë. Dhe i treti në Mollas të Korçës me magnitudë 2 në orën 5:54:33.
Goditjet kanë qenë të vogla dhe fatmirësisht nuk raportohet për probleme.
