Dalin përgjime të reja nga dosja voluminoze e trafikut të kokainës nga Amerika Latine drejt Europës, brenda së cilës është edhe Erzen Breçani, që akuzohet se pastronte lekët e djalit. SPAK përmes transkriptimeve ka dokumentuar një rast ku policia belge ka bllokuar kokainën për grupin që e priste nga Ekuadori.
Në përgjimet del një person i paidentifikuar që njofton se dërgesa u nis “Dje nisa një punë, është në ujë për Anvers. Keni nga 10 copë”. “Mbarë ishalla”-ia kthen Ismail Zeneli, por pak më pas dërguesi jep lajmin e keq.
“Na u kap puna. Më ka ik zari”. “Shnosh me qenë, na pastë marrë të këqijat”- thotë Eralbi Breçani. Ismail Zeneli dyshon. “Nuk besoj se e kanë hap, veç në rast se e kanë bërë me spiunim” thotë ai.
