Kryeministri i Kosovës Albin Kurti ka thënë ditën e sotme se nuk është ai personi i cili duhet ta publikojë draft-statutin e Asociacionit të komunave me shumicë serbe, por ndërmjetësi evropian.
Asosacioni i është prezantuar Kurtit dhe presidentit serb Aleksandër Vuçiç në 21 tetor nga përfaqësuesit e Shteteve të Bashkuara, Bashkimit Evropian, Francës, Gjermanisë dhe Italisë.
“Tash i përket ndërmjetësit BE-së, i përket ndërmjetësit evropian që ta bëjë publik draftin dhe kjo është arsyeja pse unë nuk i bëj dot publike vërejtjet dhe kritikat e mia. Besoni që ka akterë të ndryshëm që mezi presin unë të bëjë shkelje të procesit dhe procedurave dhe kjo do ta dëmtonte përfaqësimin e Republikës së Kosovës. Sa për mua le ta publikojnë edhe draft-statutin, e kësisoj të hapet edhe rruga për të publikuar edhe ne vërejtjet e kritikat tona”, tha Kurti para gazetarëve të premten në Prishtinë
