Artistja shqiptare me famë botërore, Rita Ora, ka mbërritur ditën e sotme në Kosovë e shoqëruar nga babai i saj, Besnik Sahatçiu si dhe nga bashkëshorti i saj, regjisori Taika Waititi.
Këngëtarja e famshme u prit nga kryetari i Prishtinës, Përparim Rama, i cili publikoi edhe një video nga momenti kur Rita zbret nga aeroplanit.
🇽🇰 Mirë se erdhe në vendlindje e dashur Rita Ora!
♥️ Nuk ka se si të jetë ndryshe, vetëm se i mbushur me shumë emocione, mall e dashuri çasti kur shkel në tokën e bekuar të Kosovës që gjithmonë e ke në zemër e mendje!
Momente të paharrueshme na presin bashkë! pic.twitter.com/bF1cPoJ439
— Përparim Rama (@perparim_rama) November 26, 2023
Rita nga ana tjetër sapo doli nga aeroplani preku tokën dhe vuri dorën në zemër.
“Oh Zot, faleminderit që jam shqiptare,” u shpreh ajo.
Rita sot feston ditëlindjen , e lindur më 26 nëntor të vitit 1990 në Prishtinë, ylli i muzikës mbush plot 33-vjeç.
