Një aksident i rëndë rrugor është regjistruar në aksin nacionale Çermë–Divjakë, ku një motoçikletë ka përplasur një këmbësore teksa kjo e fundit po kalonte rrugën nga njëra anë në tjetrën.
Si pasojë e përplasjes, shtetasja Ike Dervishi, rreth 71 vjeçe, është transportuar me urgjencë drejt spitalit, por fatkeqësisht ka ndërruar jetë si pasojë e plagëve të marra.
Policia ka ndërhyrë menjëherë në vendngjarje dhe ka shoqëruar drejtuesin e motoçikletës, shtetasin Leandro Xhillari, 22 vjeç, i cili është ndaluar për veprime të mëtejshme procedurale.
