Stiljan Pasho, me detyrë Shef i Sektorit të Kufirit në Drejtorinë Vendore për Kufirin dhe Migracionin Korçë, është përjashtuar nga Policia e Shtetit pas arrestimit nën akuzën e trafikut të drogës.
Ai u arrestua një ditë më parë pasi duke përdorur detyrën e tij ka ndihmuar Lorenc Likën që të kalojë 26 kg drogë në pikën kufitare të Kapshticës, pa iu nënshtruar kontrollit kufitar në automjetin e tij.
“Drejtoria e Standardeve Profesionale në Policinë e Shtetit, pas hetimeve paraprake të kryera, i ka propozuar Drejtorit të Përgjithshëm të Policisë së Shtetit, i cili e ka miratuar menjëherë, përjashtimin e punonjësit të Policisë, Kryekomisar Stiljan Pasho, me detyrë Shef i Sektorit të Kufirit, në Drejtorinë Vendore për Kufirin dhe Migracionin Korçë.
Përjashtimi i menjëhershëm i tij u bë për shkelje të rëndë disiplinore të rregullores së Policisë së Shtetit, parashikuar nga neni 208 “Rastet e veprimeve korruptive”, pika 3 “Përdor pozitën e tij si punonjës i Policisë, për interesa private për vete ose për të tjerët’”, dhe nga neni 209 “Shkelja e rëndë e atributeve/kompetencave të Policisë”, pika 1 “Pa ndonjë arsye bindëse, nuk i përmbush apo dështon në përmbushjen e detyrave dhe përgjegjësive të caktuara, të cilat kanë shkaktuar pasoja të rënda në kryerjen e detyrave”.
PAMJET/ Si e kaloi shefi drogën në sytë e policëve nga Shqipëria në Greqi
Më datë 30.11.2023, Drejtoria Rajonale e AMP-së Elbasan–Korçë ndaloi punonjësin e Policisë Kryekomisar Stiljan Pasho, në kuadër të një procedimi penal të referuar nga Sektori i AMP-së, Korçë, për veprën “Trafikim i narkotikëve”,” thuhet ndër të tjera në njoftim.
“Ngriti traun” për makinën me drogë ku ishte pasagjer, ja kush është shefi që u arrestua
