Ende nuk ka asnjë gjurmë nga katër grabitësit e argjendarisë në Kamëz pak ditë më parë.
Mbrëmjen e djeshme deri në orët e para të ditës së sotme policia ka zhvilluar një operacion në Fushë-Krujë duke kryer kontrolle në disa banesa dhe ka sekuestruar disa kamera sigurie.
Kjo pasi sipas policisë autorët që lëviznin me “BMW” kanë humbur gjurmët diku mes zonën së Rinasit dhe Fushë Krujës.
Në këtë zonë policia ka pasur shënjestër kontrollesh edhe servise makinash pasi ka dyshime mbi çmontimin e mjetit.
Autorët morën një sasi të konsiderueshme floriri duke kërcënuar pronaren e argjendarisë.
