Zbardhen detaje të reja nga ngjarja e rëndë që ndodhi dje në Laknas, Kamëz ku një i moshuar 70-vjeç vrau fqinjin dhe plagosi një tjetër pas sherrit për kanalin e ujërave të zeza. Por çfarë deklaroi autori në qeli.
“Më ofenduan”, kështu është shprehur Maliq Marku. 70-vjeçari është shprehur i penduar për vrasjen, ndërsa ka thënë se “gjithçka ka ndodhur shumë shpejt. Shkova që të sqarohesha, por Shefqet Hasa dhe Besnik Keqa më ofenduan”, ka deklaruar i moshuari.
70-jeçari Maliq Marku me origjinë nga Dibra mësohet se ka qëlluar me armë mbi 55-vjeçarin Shefqet Hasa, duke e lënë të vdekur në vend. I pranishëm në vendin e ngjarjes ka qenë edhe shtetasi Besim Keqa, i cili ka marrë një plumb në këmbë dhe është nisur menjëherë në drejtim të Spitalit të Traumës.
