Kuvendi Kombëtar i mbledhur nga Sali Berisha nisi punimet sot në orën 11:00 në Pallatin e Kongreseve.
Ish-kryeministri Sali Berisha mbërriti në ambientet e Pallatit të Kongreseve i shoqëruar nga bashkëshortja, Liri Berisha dhe vajza e tij Argita Malltezi.
Ai u kërkoi delegatëve që pritet që pa surpriza ta votëbesojnë që të ngrihen në mosbindje civile, pasi sipas tij ndryshe, me vota, Edi Rama nuk largohet.
Lidhur më këtë ka dhënë një përgjigje përfundimtare demokrati Ivi Kaso i cili thotë se procesi u mbyll në mënyrë transparente dhe të drejtpërdrejtë.
“Në përfundim të procesit të numërimit është hartuar procesverbali përfundimtar dhe përmbledhës i këtij procesi, i cili përmban këto shifra.
Numri i votuesve sipas listës së zgjedhësve, votuesve që u identifikuan që ishin në sallë, ishte 1203.
Rezulton se numri i votuesve që kanë votuar është 1000, sa është edhe numri i fletëve të votimit që u gjetën në 6 kutitë e votimit.
Numri i votave të vlefshme është 993, 7 vota të pavlefshme.
Ndarja e votave është si më poshtë, kanë votuar pro 938 delegatë, kanë votuar kundër 55 delegatë.
Në bazë të nenit 46 pika 9 e Statutit të Partisë Demokratike të Shqipërisë, rezulton se Sali Berisha është rikonfirmuar në krye të partisë,” thotë Kaso.
Berisha: Çohuni me mosbindje në rrugë, se Rama nuk ikën me votë
