Është ekstraduar nga Britania e Madhe drejt Shqipërisë 29-vjeçari Ledio Hysa.
Ai ishte dënuar me 4 vite e 8 muaj burg për plagosjen e një personi me pistoletë.
Hysa ishte shpallur në kërkim nga drejtësia shqiptare dhe ekstradimi i tij erdhi si rezultat i bashkëpunimit të Interpol Tiranës me Interpol Manchester.
“Këtë shtetas, Gjykata e Rrethit Gjyqësor Elbasan, në vitin 2019, e ka dënuar me 4 vjet e 8 muaj burgim, për veprat penale “Plagosja e lehtë me dashje” dhe “Mbajtja pa leje dhe prodhimi i armëve, armëve shpërthyese dhe municionit”, thuhet në njoftim.
Në vitin 2018 pas një konflikti për motive të dobëta Ledio Hysa ka goditur një person në këmbë me pistoletë.
Ngjarja ka ndodhur afër liqenit të Seferanit, në Belsh, Elbasan.
