Forcat e Sigurisë së Kosovës kanë mbërritur në Shqipëri për një operacion kërkim-shpëtimi.
Në njoftimin zyrtar nga forcat e sigurisë bëhet e ditur se kontingjenti i specializuar i FSK-së ka mbërritur në Shqipëri për të gjetur trupin e një shtetasi kosovar, i cili u zhduk në lumin Buna.
“Me kërkesë të autoriteteve të Republikës së Shqipërisë, sot në orët e para të mëngjesit një kontigjent i specializuar i Forcës së Sigurisë së Kosovës ka zbarkuar për një mision humanitar të kërkim-shpëtimit për gjetjen dhe nxjerrjen e trupit të shtetasit të Kosovës që humbi jetën tragjikisht në lumin Buna”, thuhet në njoftimin e FSK-së.
