Dy sulme të ndryshme në Kolumbinë jugperendimore u kanë marrë jetën një kryebashkiaku dhe pesë personave të tjerë, përfshirë dhe një vajzë 15-vjeçare.
Elmer Abonia Rodríguez, kryebashkiaku i Guatsene, në provincën e Kaukës, u vra natën e së premtes, ndërsa prokuroria ka sqaruar se është mobilizuar një ekip i specializuar për të hetuar vrasjen e zyrtarit.
Pak orë para vrasjes së tij, pesë persona u vranë në komunitetin indigjen të Nasa në komunën Santander de Cilição.
Rreth orës 04:00, persona të armatosur hynë në shtëpinë e John Freiman Ramos me profesion mësues, dhe vranë të tre anëtarët e familjes së tij, përfshirë këtu vajzën e tij të mitur.
Pak kohë më vonë, dy burra të tjerë u vranë në një shtëpi aty pranë në të njëjtin komunitet aborigjen.
“Jeta e drejtuesve të komunitetit, mësuesve, punëtorëve është e kërcënuar. Situata është shumë delikate për ne.
Në rajonin tonë ne jemi përballur tashmë me situata në të cilat jetët e drejtuesve të komunitetit indigjen, mësuesve, punonjësve të shërbimit social janë kërcënuar në katër vitet e fundit.
Ne kërkojmë që këto krime të zbardhen”, tha Lucie Ambaro Guzmán, kryebashkiaku i Santander de Cilição, për radiostacionin Blu.
Autoritetet lokale dyshojnë se vrasjet lidhen me sezonin e korrjes së bimës së kokas, nga e cila prodhohet kokaina.
