Zjarri i nisur ditën e sotme në një qendër tregtare e cila ndodhet në një pallat 12-katësh në qytetin e Lushnjës është vënë në kontroll nga forcat zjarrfikëse.
Zjarri ka nisur në një dyqan këpucësh në katin e tretë të qendrës tregtare, i cili ishte i mbyllur dhe më pas është përhapur në të gjithë qendrën.
“Rreziku nuk ka përfunduar”, Balla: Po punohet në kushte të vështira
Dyshohet se shkak i këtij zjarri ka qenë një shkëndijë elektrike në kondicionerin e këtij biznesi, ndërsa më pas flakët janë nxitur nga një restorant i gjithi prej druri.
Në një prononcim për mediat, shefi i urgjencës kombëtare, Skënder Brataj tha se forcat zjarrfikëse po kontrollojnë të gjitha banesat, ndërsa tanimë kanë mbetur të fundit, por për fat të mirë nuk është gjetur asnjë person.