Elsa Lila ka reguar për herë të parë pasi nuk fitoi asnjë çmim në “Festiavlin e Këngës”.
Ndonëse u përfol gjerë e gjatë në rrjet se ajo është përcaktuar fituesja, Elsa nuk arriti që të rrëmbejë asnjë çmim në këtë konkurs.
Këngëtarja ka vendosur të bëjë një reagim përmes një postimi në Instagram duke shprehur falenderimet e saj në lidhje me të gjithë ata që e mbështetën në këtë kompeticion.
“Faleminderit të gjithëve për dashurinë, mbështetjen dhe dëshirën për të dëgjuar muzikë të mirë! Kaluam së bashku një tjetër aventurë muzikore plot e përplot me emocione dhe të papritura! Por të papriturat, kur ke miq e dashamirës pranë, e bëjnë më të bukur udhëtimin, cilido qoftë ai! Duke ju uruar një vit plot dritë, ju përqafoj një e nga një e ju falënderoj çdo sekondë! Ju dua, Elsa”- ka shkruar ajo krahas fotos së saj duke buzëqeshur.
