Serie A/ Ndalet Interi, Fiorentina sheh Championsin, vazhdon “makthi” për Napolin

Një mundësi e artë për Juventusin. Kjo është kryefjala në mediat italiane pasi barazimi Interit ndaj Genoas mund t’i lejojë bardhezinjtë të kalojnë në -2 nga kryesuesit nëse fitojnë në ndeshjen e madhe me Romën sonte në mbrëmje në orën 20:45, e vlefshme për raundin e tetëmbëdhjetë të Serie A.

Fiorentina ndërkohë për momentin po fillon të ëdnërrrojë, e treta në renditje me pikë të barabarta me Milanin pas fitores 1-0 ndaj Torinos, ndërsa Napoli nuk shkoi përtej barazimit 0-0 me Monzën. Një tjetër rezultat negativ i cili zhyt kampionët në fuqi të Italisë në një krizë totale.

Së fundi, rikthimi i Lazios ishte i paçmuar, pasi ata përmbysën Frosinone dhe u ngjitën në vendin e tetë.