Prestigjiozja “Forbes” ka publikuar listën e 30 klubeve më të vlefshme të futbollit në planet për vitin 2023.
Lista kryesohet nga Real Madrid, pavarësisht se “Los Blancos” nuk arritëntë fitonin La Liga-n apo Champions League këtë vit, megjithatë vlera e tyre mbetet e pakalueshme.
Edhe pse familja Glazers ka nxjerrë në shitje “Djajtë e Kuq” për 6 miliardë paund, Forbes e vlerëson klubin 4.85 miliardë.
Vendin e tret e mban Barcelona, pavarësisht problemeve të shumta financiare, vlera e katalanasve në treg nuk ka humbur.
Liverpool dhe Manchester City plotësojnë top 5-shen e klubeve më të shtrenjta.
Vetëm në vendin e gjashtë renditen gjigantët gjermanë të Bayern Munich, të cilët ndiqen nga Paris Saint-Germain, dhe tre skuadrat e Premierligës, Chelsea, Tottenham dhe Arsenal, që mbyllin dhjetëshen e parë.
Ndërsa nga Seria A italiane vetëm në vendin e 11-të mund të shohim Juventus.
Më pas Milan, Inter dhe Roma janë skuadrat plotësuese të listës.
Duke krahasuar shifrat me vitin e kaluar, Newcastle me 51% rritje të vlerës ka parë ngritjen më të madhe në klasifikim.
Ndryshime të tjera të mëdha shohin Lion të rritet me 47% apo PSG me 32%, ndërsa Evertoni ka pësuar rënien më të madhe me – 21%.
