Në fshatin Sopijë të Suharekës, në Kosovë dyshohet se një burrë ka plagosur aksidentalisht nipin e tij.
Rastin e ka konfirmuar zëdhënësi i Policisë për rajonin e Prizrenit, Vesel Gashi.
Sipas Gashit i plagosuri është dërguar fillimisht në emergjencën familjare ku pastaj është dërguar për trajtim në spitalin rajonal në Prizren.
I dyshuari është dërguar në komisariat për 48 orë, po ashtu në hetime është edhe i plagosuri i cili është duke u trajtuar ende.
“Reagimet policore kanë qenë të mënjehersëhsmë, njësite policore kanë dalë në vendin e ngjarjes në vreshtat e fshatit Sopijë të Suharekës ku ne vendin e ngjarjes është arritur që të sekuestrohen dy armë të cilat dyshohet që janë përdorur nga të dyshuarit,” tha Gashi.
Në lidhje më këtë rast policia së bashku me prokurorinë e shtetit kanë filluar hetimet dhe po trajtohet si rast shkaktimi i rrezikut të përgjithshëm dhe për armëmbajtje pa leje./ Gazeta Express
