Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell e cilësuar si një vendim historik për Kosovësn dhe BE-në liberalizimin e vizave.
Përmes një mesazhi në rrjetin social ‘X’, Borrel shkruan se tashmë të gjitha vendet e Ballkanit janë të lidhura me zonën Schengen.
“Hyn në fuqi një vendim historik i BE-së. Qytetarët e Kosovës që nga sot mund të udhëtojnë në BE pa viza. Kjo sjell përfitime të rëndësishme si për Kosovën ashtu edhe për BE-në. I gjithë Ballkani Perëndimor tashmë është i lidhur me zonën Shengen përmes liberalizimit të vizave,” shkroi ai.
Kryeministri i Kosovës, Albin Kurti, tha sot se për vite të tëra qytetarët u privuan nga e drejta për të lëvizur pa viza në zonën Schengen.
Gjatë ceremonisë në Aeroportin e Prishtinës, Kurti u kërkoi qytetarëve që udhëtojnë pa viza që të respektojnë kërkesat dhe kriteret, “sepse kështu respektojmë dhe lartësojmë shtetin tonë”.
A historic decision by the EU enters into force. Kosovo’s citizens can as of today travel to the EU visa-free.
This brings significant benefits to both Kosovo & the EU.
The entire Western Balkans are now connected to the Schengen area through visa liberalisation#EUIntegration
— Josep Borrell Fontelles (@JosepBorrellF) January 1, 2024
