Një 73-vjeçar është paraqitur në spital me plagë arme zjarri. Ngjarja ka ndodhur në fshatin Mal Vilëz. Policia thotë se dyshimet e para janë se kemi të bëjmë me një vetëplagosje aksidentale, por ngjarja po hetohet.
“Më datë 03.01.2024, rreth orës 12:50, në fshatin Mal Vilëz, dyshohet se është vetëplagosur me armë zjarri shtetasi Q. E., 73 vjeç, i cili si pasojë është dëmtuar dhe ndodhet në spital, nën kujdesin e mjekëve.
Shërbimet e Policisë kanë sekuestruar, në cilësinë e provës materiale, armën e përdorur nga 73-vjeçari” njofton policia. Grupi hetimor ndodhet në vendngjarje dhe po punon për sqarimin e rrethanave të ngjarjes.
