Mediat greke vazhdojnë që ta kenë kryefjalë vrasjen e 41-vjeçares shqiptare Xhorxhia Murati nga burri natën e ndërrimit të viteve më pas për tetë ditë inskenoi gjithçka edhe pse e kishte groposur vetë në pyll në Selanik. Viktima ishte në pritje të një fëmijë. Ajo u qëllua me thikë tre herë në qafë, ndërsa autori u ndihmua nga shoku i tij për të fshehur trupin.
Gazeta greke “Prothotema” ka publikuar një video kur 41-vjeçarja shfaqet dorë për dore me partnerin, pasi ky i fundit e kisha marrë nga puna dhe po ktheheshin në shtëpinë e tyre. 41-vjeçarja shtatzënë shihet duke ecur e shkujdesur së bashku me partnerin e saj, duke mbajtur në duar çanta pazari pak metra larg shtëpisë. ku jetonte çifti.
Kronologjia e vrasjes
Vrasja e gruas ndodhi në natën e ndërrimit të viteve. Në orën 22.00 gruaja është larguar nga puna dhe pak më vonë, rreth orës 23.00 ka mbërritur me partnerin e saj në shtëpinë e tij. Duke hyrë në banesë, ajo është sulmuar nga shoku 34-vjeçar i partnerit të saj, i cili ishte marrë vesh më herët me të.
“Kathimerini” shkruan se pasi 34-vjeçarja e ka rezistuar, partneri e ka lidhur dhe i ka zënë gojën. Më pas ata e morën në dhomë dhe e goditën disa herë me thikë në qafë. Më pas dyshohet se e kanë futur trupin e saj në një bagazh dhe e kanë marrë me makinën e 34-vjeçares duke e dërguar në një zonë pyjore duke e groposur.
Dy autorët janë kthyer në vendin e krimit dhe pasi kanë pastruar banesën kanë hedhur provat e krimit në zona të ndryshme të Selanikut. Gjithashtu, dyshohet se kanë vendosur një dyshek të ri, sipër atij që ndodhej tashmë në krevat, me qëllim që policia të mos gjente gjurmë gjaku.
