Ish- ministri i Shëndetësisë u mor prej më shumë se tetë orësh në pyetje nga SPAK ditën e sotme, ku u shoqërua nga avokati i tij Ermal Yzeiraj
Pas daljes së tij nga ambientet e prokurorisë, Beqaj tha se hetimet për koncesionin e sterilizimit janë ende të ngushta dhe se ato duhet të ndahen në dy faza, ajo nga marsi i 2011 deri në shtator 2013 kur u ngrit qendra e sterilizimit pranë QSUT-së dhe që s’u vu asnjëherë në punë dhe përfitimet e koncesionit.
“Siç keni vënë re dhe ju janë disa seanca të gjata pyetjesh. Çështja është komplekse edhe sot nuk përfunduam seancat e pyetjes. Pritet të kemi dhe raportet e KLSH.
Besoj se hetimet janë ende shumë të ngushta është e domosdoshme që të shtrihen në dy pjesë nga marsi i vitit 2011 deri në shtator të vitit 2013
Janë bërë tetë vjet nga zbatimi i kontratës.
Sot me prokurorët komunikuam dhe më thanë se do kem shpejt ato sende që mu sekuestruan. Dy dokumentet e një udhëtimi jashtë shtetit që sot i mora.
Sot u sqarua edhe fakti që Gazi dhe aneksi tetë kanë lidhje me sterilizimin dhe s’kanë lidhje me çështjen tjetër” tha Beqaj
