Gjykata e Posaçme ka kaluar për gjykim çështjen ndaj Kreshnik Hajdarit, kryetarin e Bashkisë së Kuçovës. Vendimi është marrë ditën e sotme.
Kryebashkiaku do të gjykohet për “falsifikimi i vulave, i stampave ose i formularëve” pasi nuk ka deklaruar një dënim në Greqi disa vite më parë ku kishte hyrë ilegalisht në 1999. Në të njëjtin, vendim gjykata pranoi gjykimin e shkurtuar për Hajdarin.
Në krahun tjetër KQZ duhet të vendosë për mandatin e tij. Fillimisht Ilirjan Celibashi e rrëzoi kërkesën e opozitës për t’i hequr mandatin, por Komisioni i Ankimeve dhe Sanksioneve e rikthehu edhe njëherë në KQZ për shqyrtim.
Ish-kandidati për bashkinë Kuçovë, Lefter Maliqi vijon betejën në të dyja fronet kundër Hajdarit, në KQZ dhe gjykatë.