Një qytetar shqiptar ka humbur jetën si pasojë e një aksidenti automobilistik në Selanik.
Siç raportojnë edhe mediat greke, ngjarja ka ndodhur në kryqëzimin e stacionit të vjetër në hyrje të qytetit ku shqiptari ka humbur kontrollin e mjetit dhe ka goditur si fillim një tabelë dhe më pas 2 pemë dhe një shtyllë dritash.
Madje shtylla e ndriçimit ka rënë edhe mbi dy automjete të cilat janë ndalur në semafor në drejtim të kundërt, pa asnjë lëndim për drejtuesit, përveç dëmeve materiale në automjete. Mësohet se shtetasi shqiptar që ka ndërruar jetë, ka precedentë të shumtë penalë.
Për pasojë, drejtuesi i mjetit ka humbur jetën.
