Pushimet e gjata për deputetët mbaruan. Nis sot sesioni i ri parlamentar i Kuvendit, i cili në dhjetor u mbyll me tensione mes opozitës dhe maxhorancës.
Seanca do të nisë pasdite në orën 17:00, ku sipas rendit të ditës të publikuar nga Parlamenti në hapjen e punimeve të 6-të të legjislaturës së dhjetë, janë parashikuar vetëm dekretet e presidentit të Republikës për shkarkim dhe emërim ministrash, vendime të marra nga kryeministri Rama më herët.
Konkretisht shkarkohet Elva Margariti si ministre Kulture, Ervin Mete emërohet vetëm tek Financat dhe Blendi Gonxhe bëhet ministri i Ekonomisë, Kulturës dhe Inovacionit.
Seanca e parë për 2024-n nis me një rregullore të re disiplinore me përjashtim deri në 60 ditë. Një vendim i qartë i miratuar në rregullore për deputetët e opozitës që e mbyllën vitin 2023 me tym, flakë dhe kaos.
