Një 67-vjeçare është dërguar mbrëmjen e së dielës me djegie në spital. Ngjarja ndodhi në fshatin Tamarë të Malësisë së Madhe.
Ajo ka marrë plagë në trup teksa po shuante zjarrin që kishte ndezur vetë. 67-vjeçarja me inicialet L. T, kishte ndezur në oborrin e banesës zjarrin për të djegur disa mbeturina, por flakët u përhapën me shpejtësi.
Dhe për rrjedhojë, teksa po tentonte të shuante zjarrin, u lëndua. Ajo u dërgua menjëherë në spital ku po merr ndihmë mjekësore. Për fat të mirë raportohet se ndodhet jashtë rrezikut për jetën.
