U deshën plot shtatë vite që Gjykata e Apelit të niste shqyrtimin në lidhje me dosjen e së ndjerës Dorjana Haka, gruaja e portierit të Partizanit Alban Hoxha, e cila ndërroi jetë në vitin 2015, pak ditë pas solli në jetë djalin e saj.
Nëna e 25-vjeçares së ndjerë ka bërë thirrje për drejtësi, ndërsa është shprehur se prej vitesh familja e saj pret fjalën e institucioneve.
“Vajza ime vdiq për shkak të një mjekje të paaftë. Bëri atë që një student nuk e bën nuk hap një kartelë. Kardiologjia nuk ishte as në konsultë, as në operacion as në mbas lindje. Dua drejtësi ndoshta, që prindërit e tjerë të mos të vuajnë këtë që po vuaj unë që një nip të mos ritet pa nënë. 7 vite janë shumë që po presim shpresojmë nga drejtësia e re që të marrim një vendim të drejtë, shpresoj mos të zvarritet më shumë. Jemi një familje që vetëm vuajmë, vuajmë, s’kemi pasur të drejtë që të kemi asnjë një avokat mbrojtës.’- tha ajo.
Vdiq pasi lindi, nis shqyrtimi i dosjes të gruas së Alban Hoxhës
