Egnatia ka siguruar kalimin në finalen e Kupës së Shqipërisë, pas një fitoreje dramatike me penallti ndaj Elbasanit në “Elbasan Arena”.
Koha e rregullt përfundoi me barazim 1-1, ndërsa në shtesë nuk pati gola, duke çuar ndeshjen në 11-metërsha.
Rrogozhinasit e nisën mirë ndeshjen, duke kaluar të parët në epërsi me një gol të Grudës në minutën e 11-të.
Elbasani u përgjigj shpejt, dhe Musta solli barazimin në minutën e 58-të. Pas një loje të tensionuar, Egnatia tregoi saktësinë më të madhe nga pika e bardhë dhe siguroi një biletë për finale.
Gjysmëfinalja tjetër mes Dinamos dhe Vllaznisë do të përcaktojë rivalin e Egnatias në finale.
