Dita e dasmës ka mbaruar në një formë të pazakontë për një grua meksikane e cila nga dasma e saj ku duhet të ishte nusja ka përfunduar në qeli e prangosur. Ngjarja ka ndodhur në Meksikë ku nusja e quajtur Nancy u arrestua në 22 dhjetor kur ishte dhe data në të cilën ajo kishte planifikuar të martohej me të dashurin e saj i cili mbante pseudonimin “Raton”.
Prokurorët publikuan disa video ku Nancy shfaqet me fustan nuseje dhe e rrethuar nga policët. Daily Mail raporton se dhëndri u dërgua me nusen në komisariat por ai arriti të arratisej.
Çifti u arrestua pasi akuzohen për rrëmbimin e katër punonjësve të një dyqani shpendësh, teksa ishin përfshirë në një bandë kriminale.
Atë ditë u arrestuan edhe 6 burra të tjerë.
