Ish-këshilltari për marrëdhëniet me publikun në oborrin mbretëror, Erion Teli në një lidhje me Skype për emisionin “Vizioni i pasdites” ka treguar se çfarë ka ndodhur me çiftin.
I pyetur nga moderatorja nëse Blerta Celibashi ka qenë shkaku i divorcit të çiftit mbretëror, Teli u shpreh se kjo nuk është aspak e vërtetë.
Sipas ish-këshilltarit kriza mes dy partnerëve ka nisur që para një viti e gjysmë, ndërsa njohja me Blertën ka ndodhur disa javë më parë.
Brikena Prifti: Meraku është te fëmijët, kështu mendoj që funksionon dhe në këtë rast. Ajo që ka patur më shuëm diskutime është emri i Blertës,
Teli: Absolutisht nuk është e vërtetë. Princi nuk është njeri që luan me dy standarde. Princi gjatë kohës që ka qenë me zonjën Zaharia ka qenë njeri besnik. Nuk luan me dy standarde. Me zonjën Blerta Celibashi kanë një muaj e gjysmë që shoqërohen. Me zonjën Zaharia ka më shumë se 1 vit e gjysmë që mund të quhet e mbyllur.
Brikena Prifti: Si qendron e vërteta?
Teli: Princi Leka dhe zonja Zaharia kanë më shumë se 1 vit e gjysëm që të bënin të mundur funksionimin e martetës, muajt e fundit ishte e vështirë që ta kapërcenin dhe vendosën t’i jepnin fund martesës.
Brikena Prifti: Princi dhe princesha gjatë kësaj kohe kanë patur agjenda të ndara këto kohë?
Teli: Zonja Zaharia përveçse si aktore ajo është dhe Drejtoreshë e Teatrit Kombëtar, agjenda e saj është e ngjeshur. Princi ka patur agjendën e tij, kjo ka bërë që të nxjerrë përplasjet e para. Të dy janë prindër shumë të mirë. Princi është një baba shumë i mirë. Të dy kanë vendosur që kjo marrëdhënie të marri fund.
