Trajneri i Universidad de Chile, Fernando Gago, është dërguar me urgjencë në spital pas përfundimit të ndeshjes ndaj O’Higgins, pasi ka shfaqur probleme shëndetësore menjëherë pas konferencës për shtyp.
Sipas raportimeve, 40-vjeçari, ish-futbollist i Real Madridit dhe Argjentinës, është ndjerë keq gjatë komunikimit me gazetarët dhe më pas është larguar nga salla, për t’u transportuar drejt spitalit ku i është nënshtruar ekzaminimeve mjekësore.
Klubi i Universidad de Chile ka bërë të ditur se Gago po i nënshtrohet kontrolleve kardiovaskulare dhe nuk do të jetë i pranishëm në stërvitje për momentin, ndërsa gjendja e tij raportohet e stabilizuar dhe nën mbikëqyrje mjekësore.
