“Ka treguar sukses të madh në luftën kundër korrupsionit dhe krimit të organizuar”. Kështu e cilëson ambasadori gjerman në Tiranë, Karl Bergner punën e Prokurorisë së Posaçme kundër Krimit të Organizuar dhe Korrupsionit. Në një postim në rrjetet sociale, ambasada thekson se kreu i SPAK-ut, Altin Dumani prezantoi punën e institucionit që drejton përpara ambasadorëve të BE-së në Tiranë.
“Ditën e sotme, Altin Dumani, kreu i Prokurorisë së Posaçme SPAK, prezantoi punën e tij para ambasadorëve të vendeve anëtare të BE-së në Europe House. SPAK është pjesë e pazëvendësueshme e reformave në drejtësi ⚖️ dhe tashmë ka treguar sukses të madh në luftën kundër korrupsionit dhe krimit të organizuar.👏 Ne e përgëzojmë Altin Dumanin dhe ekipin e tij për këto arritje dhe do të vazhdojmë ta mbështesim mëtej punën e tij” shkruan ai.
