Mbreti Charles III do të shtrohet në spital javën e ardhshme, pasi do të trajtojë një problem në prostatë, raporton BBC.
Pallati i Backingham njoftoi se gjendja e mbretit është e mirë, por ai do t’i nënshtrohet një “procedure korrigjuese”.
Angazhimet publike të 75-vjeçares do të shtyhen për një periudhë të shkurtër rikuperimi, njoftoi pallati i Beckhingam.
Njoftimi vjen menjëherë pasi u zbulua se Princesha e Uellsit është në spital pasi i është nënshtruar një operacioni abdominal.
Princesha e Uellsit i nënshtrohet një operacioni të rëndë, në Britani nis frika
“Në mënyrë të përbashkët me mijëra burra çdo vit, Mbreti ka kërkuar trajtim për një prostatë të zmadhuar”, thuhet në deklaratë.
Rritja beninje e prostatës është e zakonshme tek meshkujt mbi 50 vjeç dhe zakonisht nuk është një gjendje serioze, sipas faqes së internetit të NHS.
Gjendja nuk do të thotë që pacienti ka një rrezik në rritje të zhvillimit të kancerit të prostatës.
Njoftimi nga Buckingham Palace është lajmi i dytë i rëndësishëm i shëndetit në lidhje me anëtarët e familjes mbretërore që do të dalin të mërkurën.
Princesha e Uellsit do të kalojë deri në dy javë në spital duke u rikuperuar nga operacioni abdominal të martën.
Procedura e saj ishte e planifikuar dhe e suksesshme, tha Kensington Palace. Detaje të mëtejshme rreth gjendjes së saj nuk janë bërë të ditura, por mësohet se nuk ka lidhje me kancerin.
