Katër të rinj shqiptarë janë prangosur nga policia italiane pasi në një hotel të Asizit ku ata po qendronin i’u gjetën kokainë, kanabis dhe mjete për përdorimin dhe paketimin e lëndëve narkotike.
Gjatë kontrolleve në dhomën ku ndodheshin 2 shqiptarët 21 dhe 22 vjeç, u gjetën peshore me mbetje kokainë, qese të shumta celofani dhe mjete që shërbenin për paketimin e drogës si dhe 2700 euro të cilat u sekuestruan në cilësinë e provës materiale.
Ndërsa 2 shqiptarët e tjerë 19 dhe 24 vjeç të cilët ndodheshin në dhomën tjetër u përpoqën të arratiseshin, njëri prej tyre duke u hedhur nga dritarja e hotelit. Pas një ndjekje të shkurtër të dy u arrestuan për t’u proceduar më pas në gjendje të lirë. Ndaj njërit prej tyre rëndon akuza për sulm ndaj punonjësit të policisë gjatë arratisjes.
