Gazetari Fatos Mahmutaj, i cili mbeti i plagosur më 21 janar, 2011, kur u vranë në Bulevardin ‘Dëshmorët e Kombit’ 4 protestues opozitarë nga armët e punonjësve të shtetit, gjatë një interviste për median dha një tjetër qëndrim për krimin e ndodhur 13 vite më parë.
Nuk e quan krim shtetëror por e quan përgjegjësi penale e Sali Berishës dhe Ilir Metës.
“Ilir Meta e gatoi, Sali Berisha e ekzekutoi. Është krim që rëndon mbi Sali Berishën dhe ilir Metën. Nuk rëndon mbi shetin. Nuk ka borxh shteti shqiptar që ishin uzurpuar nga dy persona të papërgjegjshëm. Përgjegjësia është direkte e Ilir Metës dhe Sali Berishës.
Jam gati të dëshmoj nëse SPAK nis hetimet
“Urdhrin e ka dhënë personalisht Sali Berisha. Shefi i sigurisë së Berishës rrahu kreun e Gardës që të jepte urdhër për të qëlluar” .
