Nga 295 persona, 273 janë shoqëruar, ndaluar dhe arrestuar nga policia e shtetit në kuadër të fazës së dytë të operacionit kombëtar “Tempulli” që u zhvillua gjatë natës. Kështu deklaroi sot drejtori i përgjithshëm i policisë së shtetit, Muhamet Rrumbullaku.
Ai tha se kishte 306 vendime për kontrolle dhe se janë goditur anëtarët e 7 grupeve kriminale që shpërndajnë dhe trafikojnë drogë pranë shkollave dhe jo vetëm.
“Nuk kemi pasur asnjë rrjedhje të informacionit dhe numri i madh i urdhrave të ndalimit janë realizuar të gjitha me sukses dhe një pjesë e forcave tani janë në territor për të vazhduar më tej realizimin e këtij operacioni. Sasia e lëndëve narkotike është shumë e madhe” tha ministri Taulant Balla.
