Gazetarja Keti Banushi u shpreh sonte e ftuar në emisionin “5Pyetjet nga Babaramo” se pak ditë më parë është dërguar në Itali predha që i mori jetën Aleks Nikës në 21 Janar.
“Gjithmonë i është hedhur faji prokurorisë. E dëgjojmë cdo 21 Janar këtë. Që nga momenti i parë, që nuk u dorëzuan dhe prishën provat, prokuroria ka pasur shumë vështirësi. Megjithatë dosja erdhi në gjykatë. Prokuroria ka kërkuar 23 vite burg për Ndrea Prendin dhe 25 vite për Agim Llupo.
Por gjykata ndryshoi kualifikimin e veprës penale nga vrasje me dashje në vrasje nga pakujdesia. Janë dhënë dënime qesharake. Prokuroria kërkoi dënime maksimale, por gjykata i dënoi me dënime qesharake. Po bëhen disa ekspertiza të tjera krahas predhës që vrau Aleks Nikën, e cila është dërguar në Itali” tha ajo.
Roli i zinxhirit komandues/ Dervishi: Hap pas hapi, si e sabotoi shteti 21 Janarin
