Ministri i Infrastrukturës Liburn Aliu i ftuar në emisionin “5Pyetjet nga Babaramo” deklaroi se linja e re e hekurudhës Durrës-Prishtinë që do të kalojë nga Shkodra do të fusë në lojë edhe portin e Tivarit në Malin e Zi. Ministri foli për shumë projekte të tjera që janë mes dy vendeve, Kosovës dhe Shqipërisë.
Liburn Aliu: S’e firmosim Asociacionin, do të sillte minim dhe çarje
“Pavarësisht se nuk arritëm të bënim një mbledhje të dy qeverive, projektet që kemi firmosur, progresi qoftë në qarkullimin mes dy republikave, kalimi i lehtë në kufi, investimet, zbatimin e marrëveshjeve, takimet e rregullta mes ministrave. Pavarësisht se nuk u mbajt ajo mbledhje marrëdhëniet vazhdojnë si më parë.
Liburn Aliu: Bashkimi i shqiptarëve do të sillte paqe në Ballkan
Në ministrinë që udhëheq janë dy ministri homologe në Tiranë, Balluku dhe Kumbaro që kemi marrëdhënie jashtëzakonisht të mira. Mbledhja e dy qeverive besoj që do të bëhet dhe një ngërc i tillë nuk vërehet mes ministrave, vazhdojmë si më parë. Projektet po ecin. Në ministrinë ku jam unë, ka projekte që po ecin, synojmë të kemi menaxhim të përbashkët të parkut kombëtar në Bjeshkët e Sharrit.
“Kosova, projekt i përkohshëm”! Aliu te “5Pyetjet”: Pavarësia kompromis, qëllim bashkimi
Në konferencën e Dubait, duke qenë se nuk njihemi nga OKB, kam qenë si përfaqësues i Shqipërisë, si pjesë e delegacionit. Kjo ka qenë mënyra si e kemi “thyer akullin” për të deportuar në këto konferenca ku nuk njihemi. Pastaj kemi marrëveshjet për fshatrat kufitarë, kemi bërë marrëveshje, që kompanitë nga Kosova të futen deri në fshatrat në Shqipëri, brenda territorit.
Aliu sfidon opozitën: Doni zgjedhje të parakohshme? Do të humbni më thellë
Pastaj është projekti i hekurudhës që është jashtëzakonisht i rëndësishëm. Gjurma e re parashikon lidhjen e Shkodrës me Gjakovën, pasi lidh edhe portin e Tivarit, që është një port i madh” tha ai.
