Deputeti Gazmend Bardhi ka dhënë deklarata për mediat pas mbledhjes së deputetëve të opozitës, ku u ndal tek Reforma Zgjedhore.
Nuk mund të kalonte pa u përmendur dhe Alibeaj, për të cilin grupi Bardhi-Berisha, kërkojnë zëvendësimin e tij si bashkëkryetar, Bardhi deklaroi se ata si kolegë i kanë dhen besim por ajo reformë prej 2 vitesh tashmë nuk është çuar përpara.
“I kam besuar kolegut Alibeaj në maj, si unë pjesa dërrmuese e grupit për të bashkëdrejtuar punën në emër të opozitës në komision. Ka pasur besimin për një kohë të gjatë, u bënë 22 muaj nga momenti ngritjes, jemi dëshmitarë që ajo reformë nuk është çuar para.
Vetëm kur opozita ngriti zërin për bllokimin, konstatim që u konfirmua edhe nga Komiteti i Stabilizim Asocimit, kolegët u kujtuan pasi e hoqëm këtë besim. Shpërdoron besimin. Kjo çështje nuk u ngrit asnjëherë në publik, s’ka shkresë zyrtare për tu mbledhur, ishte strategji për ta lënë në harresë para zgjedhjeve lokale. Po lihej edhe një vit para zgjedhjeve të përgjithshme 2025”, tha Bardhi.
