Që nga 10 janari rezulton i zhdukur biznesmeni nga Gjilani, Musah Hamiti. Prokuroria themelore në Gjilan po kryen një hetim pasi siç u raportua nga familjarët biznesmeni kishte me vete 80 mijë franga. Nga pistat e hetimit janë dërguar në paraburgim 2 shqiptare.
Insajderi, nga burime brenda Gjykatës merr vesh se një gjykatës i procedurës paraprake ka miratuar kërkesën e Prokurorisë për të dërguar në paraburgim Silvana Dulellarin e lindur në vitin 1984 dhe Marinela Markoviç e lindur në vitin 1989.
2 të arrestuarat dyshohen se janë të përfshira në rastin që po hetohet si zhdukje duke rrezikuar kështu 15 vite burg.
Marinela ka bërë me dije se Musa Hamiti nuk është është hera e parë që ky person zhduket dhe deaktivizon rrjetet sociale, dhe “shpresojmë se sikur edhe herë tjera do të kontaktojë me të pandehurën Marinela ose do të dojë ta takojë atë”, ka thënë avokatja.
