Shfrytëzonin për prostitucion tre vajza të mitura në Tiranë, vihen në pranga tre autorët e dyshuar, Samuel Doku, Kastriot Kullaj e Fabjon Cangu dhe shpallet në kërkim bashkëpunëtori i tyre.
Procedohen në gjendje të lirë 3 vajzat të moshës 15, 16 dhe 17, për ushtrim prostitucioni. Sekuestrohet sasi lënde e dyshuar narkotike kanabis dhe 3 aparate celulare.
Në kuadër të këtij operacioni:
- u ndaluan Samuel Doku 21 vjeç, Kastriot Kullaj 24 vjeç, dhe Fabjon Cangu 20 vjeç, të tre banues në Larushk;
-
u shpall në kërkim bashkëpunëtori i tyre, shtetasi K. D., 22 vjeç, banues në Larushk;
-
u proceduan penalisht 3 shtetase të moshës 15, 16, dhe 17 vjeçe.
HETIMET
Sipas policisë tre të arrestuarit së bashku me shtetasin e shpallur në kërkim, në bashkëpunim me njëri-tjetrin, shfrytëzonin për prostitucion tre shtetase të mitura, të moshës 15, 16, dhe 17 vjeçe, kundrejt përfitimeve monetare.
Autorët e dyshuar, pasi kontaktonin me persona të tjerë, i adresonin ata për në hotelet ku akomodoheshin të miturat, në zonën e Larushkut, Fushë Krujës, dhe në Arameras.
Tre të miturat e proceduara, janë larguar nga banesat përkatëse në muajt qershor, shtator dhe tetor të vitit të kaluar.
