Mediat italiane zbardhin detaje të reja nga ekspertiza për vdekjen e shqiptarit Dorjo Duka 30 vjeç, që humbi jetën në një aksident tragjik në 21 Janar. Kishte vetëm nëntë ditë që ishte martuar dhe kishte udhëtuar për në Itali.
Makina me të cilën udhëtonte u përplas kokë më kokë nga një tjetër mjet që u fut në korsinë e kundërt. Duka vdiq në vend, kushëriri i tij ndodhet në gjendje të rëndë në spital.
Sipas mediave italiane, 45-vjeçari që drejtonte Mercedesin që goditi shqiptarin kokë më kokë ishte nën efektin e alkoolit dhe kokainës. Dje trupi u nis nga Pordenone për në Bari, varrimi do të bëhet ditën e premte në Tiranë.
