Ervis Martinaj u rikthye edhe njëherë kryefjalë në media pas deklaratës së ministrit të Brendshëm, Taulant Balla nga Lezha. Por çfarë mund të themi për biznesmenin e basteve kaq kohë pas zhdukjes së tij pa “nam dhe nishan”?
Eksperti i sigurisë Fatjon Softa në një lidhje me skype për “5Pyetjet.al” hodhi disa pista dhe skenarë të mundshëm mbi fatin e bosit të basteve.
“Nëse policia do të thotë se është vrarë duhet të ketë një kufomë. Opsioni që mund të jetë gjallë mbetet deri në momentin e konfirmimit.
Eksperiencat botërore kanë treguar se shumë persona të atij niveli janë të zotë për shkak të financave. Ai ka qenë i suksesshëm në fushën e biznesit, ka qenë mbreti i lojërave të fatit. Ka pasur mbështetje në policinë e shtetit.
Mund të ketë ndërhyrje plastike që mund ta tjetërsojë. Ne pamë si u transformua Michael Jackson. Persona të tillë mund të kenë realizuar këtë gjë. Të gjejnë strehime dhe vende të sigurta dhe të bëjnë ndërhyrje për të filluar një jetë të re.
Nëse ka ndodhur ekzekutimi, të jeni të sigurt se nuk do të ketë një varr. Mafia italiane kur i ekzekutonte i fusnin dhe i betononin në kolona betoni dhe autostrada për të mos u gjetur kurrë. Por për aq kohë sa nuk ka një varr propabiliteti është që të jetë gjallë” tha ai për “5Pyetjet.al”.
