Vrasësi i dyshuar i dy grave, italiani Marco Romeo i ka dërguar një letër gjykatës, në të cilën ai siguron se dëshiron të rrëfejë krimin e vrasjes së Paulës majin e kaluar dhe të tregojë gjithçka që ka ndodhur, sepse që kur hyri në burg ai ka pasur “një marrëdhënie shumë të ngushtë me Zotin dhe është plotësisht i penduar”.
Shtetasi italian ka siguruar se do të rrëfejë faktet para gjyqtarit dhe siç ka shkruar në letër, kërkon të tregojë se si kanë ndodhur ngjarjet.
Lidhur me krimin e Paulës, ai pohon se ka pasur një përleshje të mëparshme mes të dyve dhe se pas një përleshjeje e kapi nga qafa dhe e hodhi në tokë. Ajo bërtiti për ndihmë, por ai e vrau. Ai thotë se nuk i kujtohet gjë tjetër, pasi e kapi paniku dhe iku.
Lidhur me vrasjen e shqiptares Sibora Gagani, me të cilën ai ishte i lidhur dhe u zhduk në vitin 2014, ai këmbëngul se nuk ishte përgjegjës për vdekjen e saj, por pranon se e kishte fshehur trupin e saj.
Eshtrat e viktimës u gjetën të mbështjella me çanta dhe brenda një kutie druri pas një muri të dyfishtë qershorin e kaluar. Ai tha se se i vjen keq “që bëri diçka kaq të neveritshme”.
