Eleni dhe Ornela Vangjeli, nënë e bijë, nuk u përgjigjeshin në telefon familjarëve të tyre prej pesë ditësh, ndërsa ditën e sotme janë gjetur pa shenja jete në banesën e tyre në Korçë.
Djali i cili jetonte dhe punonte në Greqi duke mos u lidhur në telefon me to, u nis për Shqipëri, për t’u përballur me fatkeqësinë që kishte ndodhur.
Deri më tani dyshohet se vdekja e tyre ka ardhur si pasojë e shkaqeve natyrale, e moshuara ishte e paralizuar dhe vajza e saj Ornela kujdesej për të, kjo e fundit dyshohet se ka pësuar atak kardiak në momentin që nëna e saj ka dhënë frymën e fundit.
E ndjera, Ornela Vangjeli 54-vjeçe ishte mësuese në fshatin Vithkuq.
