Policia e Lezhës ka reaguar në lidhje me ngjarjen e mbrëmjes së kaluar, ku një banese iu vendos lëndë plasëse. Në njoftimin zyrtar policia sqaron së shpërthimi ndodhi në banesën e Aleks Ivanajt ndërsa thekson se ky person jeton jashtë vendit.
Në momentin e ngjarjes brenda ishte nëna 80-vjeçare, djali me familjen ishin jashtë. Për fat të mirë nuk ka persona të lënduar, por vetëm dëme të vogla materiale.
Pjesëtarët e familjes Ivanaj kanë deklaruar në polici se nuk kanë konflikte, ndërsa blutë vijojnë veprimet hetimore.
“Në Ishull Lezhë, në oborrin e banesës së Aleks Ivanajt dyshohet se është hedhur një kapsolle detonatore e cila ka plasur duke dëmtuar vetëm disa gurë dekorativë që është shtruar oborri.
Pronari i banesës Aleks Ivanaj jeton jashtë shtetit, dhe në banesë ka qenë vetëm nëna e tij. Grupi hetimor ndodhet në vendin e ngjarjes dhe po kryen veprimet hetimore për sqarimin e plotë të rrethanave, identifikimin dhe kapjen e autorit”, thuhet në njoftimin e policisë.
VIDEO-“Zgjohet” Shëngjini në mesnatë, gropa që ka hapur tritoli