Pasditen e kësaj të premte një aksident rrugor ka ndodhur në superstradën Lezhë-Milot, ku për pasojë të plagosur kanë mbetur 3 persona, mes tyre dhe një grua.
Dyshohet se aksidenti ka ndodhur pranë fshatit Gajush, ku u përfshinë në përplasje tre automjete.
Si pasojë e aksidentit, tre të lënduarit u transportuan me urgjencë drejt Spitalit Rajonal të Lezhës për të marrë ndihmën e nevojshme mjekësore.
Sipas burimeve spitalore, ata ndodhen jashtë rrezikut për jetën.
Në vendngjarje kanë mbërritur shërbimet e policisë të cilët po punojnë për zbardhjen e plotë të rrethanave të këtij aksidenti.
