Opozita bllokoi seancën dhe protestoi pasditen e sotme përpara parlamentit dhe poshtë rrugicës së Sali Berishës. Por a i arriti qëllimit protesta e sotme? Deputeti Ervin Salianji i ftuar në emisionin “5Pyetjet nga Babaramo” deklaroi se pjesëmarrja ishte e kënaqshme.
”Ka rënë parlamenti për shkak se qeveria nuk pranon. Parlamenti ka funksion për të hetuar dhe për të kontrolluar qeverinë. Jemi në autokraci dhe Rama do që të shuajë edhe opozitën. Edhe interpelancat e kaluara, kur vjen Rama është edhe Luli.
Ne kemi arritur që të sensibiliojmë opinionin. Për një vit debati ishte mes opozitës por tani është mes shumicës dhe opozitës. Sot kishte një pjesëmarrje të kënaqshme të qytetarëve që u bashkuan me thirrjen e opozitës për të protestuar.
Ka pasur deklaratë nga ambasada e SHBA, BE, Britanisë, Gjermanisë. Parlamenti duhet të ketë rol kontrollues. Nëse jepen komisionet hetimore dhe nëse nuk imponohet vullneti… Luli, është ekonomi ndihmëse e qeverisë” tha ai.
