Të afërm të dy fëmijëve që humbën jetën në aksidentin e rëndë të ndodhur ditën e diel, dolën këtë të martë në shenjë proteste para Bashkisë Durrës.
Të gjithë bashkë, ata kanë ndezur qirinj për dy jetët e humbura, ndërsa nuk kanë munguar akuzat ndaj autoriteteve lokale për mungesën e sinjalistikave në rrugë.
Ndërkohë ditën e nesërme ata kanë paralajmëruar për një protestë tjetër në orën 16:00, e cila do të nisë nga vendi ku ka ndodhur ngjarja tragjike dhe do të vijojë deri para Bashkisë.
Nikoll Radaçi po drejtonte makinën në gjendje të dehur kur mori përpara tre fëmijët që po luanin në trotuar. Goditja rezultoi fatale për Kles Nikollin (9 vjeç) dhe Enea Muçajn (12 vjeç), të cilët ndërruan jetë në vendngjarje.
Ndërsa i mituri i tretë, Arbjon Meslani (8 vjeç), ndodhet në Spitalin e Traumës në Tiranë.
Nesër protestë në Durrës, për vrasjen e dy të miturve me makinë
