Qindra mijëra palestinezë në Rafah – qyteti më jugor i Gazës – mbërritën atje pasi u detyruan të lëviznin vazhdimisht, duke ikur nga sulmet ajrore izraelite dhe sulmet tokësore.
Por kryeministri izraelit u ka kërkuar tani trupave që të “përgatiten për të operuar” edhe në Rafah. Ai thotë se “fitorja totale” e Izraelit ndaj Hamasit është vetëm disa muaj larg.
Të premten, Benjamin Netanyahu tha se kishte urdhëruar ushtrinë të përgatiste një plan të dyfishtë për të evakuuar civilët nga qyteti, për t’i hapur rrugë një operacioni të zgjeruar atje.
“Ne kurrë nuk duam të largohemi nga Gaza,” thotë Umm Mohammad, një grua e zhvendosur. “Ne kemi lindur këtu, ne jetojmë këtu dhe duam të vdesim këtu”.
SHBA-ja ka paralajmëruar se nuk do të mbështesë një ofensivë të paplanifikuar izraelite në Rafah, për të cilën thotë se do të ishte një “katastrofë”.i
