Sot në Ditën Ndërkombëtare të Gjuhës Amtare, presidenti i Republikës Bajram Begaj, bëri apel për ruajtjen, pasurimin dhe përcjelljen e gjuhës shqipe.
Kjo edhe më e nevojshme në kushtet kur shumë shqiptarë jetojnë në vende të ndryshme të botës, dhe ndërveprojnë me gjuhët e tjera.
Begaj në faqen e tij zyrtare në “facebook” ndau një falënderim për shqiptarët që kanë ruajtur dhe trashëguar gjuhën ndër shekuj.
“Është mbresëlënës dhe unikal çdo element që reflekton dashurinë për atdheun.
Shqiptarët kudo në botë e ruajnë dhe e trashëgojnë gjuhën si pjesë thelbësore të identitetit tonë kombëtar.
Sot, në Ditën Botërore të Gjuhës Amtare, përgëzoj të gjithë ata prindër dhe mësues që përcjellin te fëmijët tanë Gjuhën Shqype” shkruan Begaj.
